இஸ்ரவேலரை ஆண்டவர் எகிப்திலிருந்து வழி நடத்திச் சென்றார். அத்தருணத்தில் பார்வோனின் படைகள் இஸ்ரவேலரை முறியடிக்க பின்தொடர்ந்து வருகையில், இஸ்ரவேலரைக் காக்க ஆண்டவர் செங்கடலை இரண்டாகப் பிரித்து இஸ்ரவேலரைக் கால் நடையாகக் கடக்க வைத்தார் இஸ்ரவேலரைத் தொடர்ந்து வந்த பார்வோனின் படைகள் அனைத்தையும் செங்கடலில் மூழ்கடித்து இஸ்ரவேலர் அனைவரையும் காப்பாற்றினார். அதாவது பாவிகளை மூழ்கடித்து மீட்டுக்கொண்டவர்களின் கால்கள் கூட நனையாதவாறு ஞானஸ்தானம் அளித்து மீட்படையச் செய்தார்.

 

பாவங்கள் பெருத்திருந்த காலத்தில் கலங்கமில்லாத நோவாவையும் அவர்தம் குடும்பத்தினரையும், உலகிலிருந்த உயினங்களில் ஒரு ஜோடிகளையும் தன் கட்டளை படி நோவா செய்த பேழையில் அடைத்தபின், 40 நாட்கள் தொடர் மழை பொழிய வைத்து, பாவ உலகை அழித்து மீட்டுக் கொண்டவர்கள் மீது ஒரு துளி தண்ணீர் கூட படாத நிலையில் முழு ஞானஸ்தானம் அளித்தார்.புதிய ஏற்பாட்டுக் காலத்திலோ இயேசு ஆண்டவர் யோவானால் யோர்தான் நதியில் முழுமையாக மூழ்கி ஞானஸ்தானம் பெற்றுக்கொண்டார்.

 

பழைய ஏற்பாட்டுக் காலத்தில் மற்றவர்களின் கால்கள் கூட தண்ணீரால் நனையாதசூழலிலும் கூட ஞானஸ்தானம் அளித்து மீட்பளித்ததாக வேதாகமம் உரைக்கிறது. புதிய

ஏற்பாட்டுக் காலத்தில் ஞானஸ்தானத்தின் போது குருவானவரால் தெளிக்கப் படுகின்ற

தண்ணீரைப் புனிதப் படுத்தவே, முன் அடையாளமாக யோர்தான் நதியில் மூழ்கி எழுந்தார்.

 

ஆக முழு ஞானஸ்தானத்தின் போது நீர் நிலைகளில், நீர் தேக்கத்தொட்டியில் மூழ்கி எழும் சம்பிரதாயம் மனிதராலேயே உருவகப்படுத்தப் பெற்றது.